1 Мамыр — Қазақстан халқының бірлігі күні мектебімізде «Достық күні» акциясы аясында 9 сынып оқушыларына «Достық ағашы» тренингі ұйымдастырылды. Өткізілген тренинг мақсаты оқушылар арасындағы бауырмалдықты арттыру, мектептегі буллинг пен жағымсыз әрекеттердің алдын алу және білім алушылардың психологиялық саулығын нығайту болып табылады. «Достық ағашы» тренингі бірнеше кезеңнен тұрды. Оқушылар шеңбер бойымен тұрып, бір-біріне жағымды қасиеттерін айтып, жылы лебіздерін білдірді. Содан соң, оқушылар түрлі-түсті бояулар арқылы суретсалып, өздерінің адал достарына деген алғыстарын және мектептегі татулықты сақтау туралы ұсыныстарын айтып, арнайы өздерінің «Достық ағашы» суреттерін салып, қорғады.Топтық жұмыстар арқылы балалар ортақ шешім қабылдауды және бірін-бірі тыңдауды үйренді. Өткізілген тренинг оқушылардың бойында достық, бірлік және сыйластық құндылықтарын қалыптастырудың бір іс-шарасы болды.
ВИДЕО КӨРУ
