«Сыңғырла, соңғы қоңырау» мерекесі

Нұр-Сұлтан қаласы № 69 мектеп – гимназиясында «Сыңғырла, соңғы қоңырау» мерекесі өтті. 25 мамыр - соңғы қоңырау күні... Балалықпен қоштасу, үлкен өмірмен қауышу күні... Түлектер білім алған алтын ұяларымен қоштасып, ұстаздар сүйікті шәкірттерін өмірге қанаттандырды. Соңғы қоңырауға мектеп-гимназия ұжымы, ардақты ұстаздар, ата – аналар мен бітіруші түлектер қатысты.

Мерекелік шараның беташарынан соң, мектеп директоры К.К. Жунусова оқушылар мен ұстаздар қауымын құттықтады. Түлектер болса өздерінің соңғы сынып сағатына қатысып, сынып жетекшілері мен ұстаздар қауымына жылы лебіздерін білдірді. Мектеп бітіруші түлектердің баршасына алға басқан қадамдарына сәттілік тілейміз.