ҚАЛАЛЫҚ СЕМИНАР

2019 жылдың 27 сәуір күні Әлкей Марғұлан атындағы № 40 мектеп-лицейінде Астана қаласы Білімді жаңғырту орталығы және № 40 мектеп-лицейінің ұйымдастырумен "Білім мазмұнын жаңарту аясында оқушылардың белсенділігі мен шығармашылық қабілетін дамыту" атты қалалық семинар өтті. Аталған семинарға Білімді берудің жаңғырту орталығының мектепке дейінгі білім беру және бастауыш сынып бөлімінің басшысы Нугманова Ақмоншақ Нұртазақызы қатысты. Семинарға келушілер алдымен көрме жұмыстарымен және мектеп мұражайымен танысты. Семинарға келушілер топтарға бөлініп коучинг, шебер сынып, ата-анамен жұмыс сияқты бағыттарға қатысып оқытудың заманауи әдістерін тәжірбиеде қарастырып, қолдану жолдары аясында тәжірбие алмасты. Семинар соңында қатысушылар семинардың өтуіне жақсы деген баға беріп өздерінің ой-пікірлерін ортаға салды. Сонымен қатар семинар жұмысына белсене қатысқан ұстаздар Білімді берудің жаңғырту орталығының сертификатымен марапатталды.