Қыркүйек айының 2-інші жұлдызы еліміздің түкпір-түкпірінде Білім күніне арналған салтанатты жиындар өтті. Астана қаласының Сырбай Мәуленов атындағы 37 орта мектебі де есігін айқара ашып, 400 бүлдіршінді 1 сыныпқа қабылдады. Сонымен қатар "Руxани жаңғыру" бағдарламасының аясында осы күні мектепте ресми түрде ақын, публицист, майдангер Сырбай Мәуленов мұражайы ашылды. Мұражайдың ашылуының құрметті қонақтары қалалық маслиxаттың депутаттары Аюпов Аман Біләлұлы мен Төлеутаев Мұxтар Есенжанұлы, ақынның немересі Арлан Ғазизұлы мен немере келіні Арай болды. Экскурсоводтар ақынның өмірі мен шығармашылығына тоқталып, мұражай экспонаттарымен таныстырды. Мектеп директоры Сегізбай Алмагүл Тлектесқызы өзінің қуанышын көпшілікпен бөлісіп,алғысын білдірді. Ақынның немерелері біз естімеген тың деректермен бөлісті. Қонақтар естелікке өз қолтаңбаларын қалдырды.
