Отбасы тәрбиесіндегі қателіктердің бала психологиясына әсері

Мақсаты:
           Бала тәрбиесіндегі отбасының үйлесімді дамуына қолдау көрсету.

Мектеп психологы М.Е. Дүкенбаева  жиналысты бастап, ата-аналарға ситуациялық сұрақтар берді. Сұрақтар төмендегідей:

1. Ашу үстінде балаңыз сізге қатты сөйлесе...

2. Балаңызға ризашылығыңызды қалай білдіресіз?
3. Балаңыз ұялы телефон алып бер деп жылады. Сіз: «Шамалы шыдай тұр, уақытында алып беремін» - дедіңіз. Балаңыз тыңдамай есікті тарс жауып кетіп қалды. Сіздің әрекетіңіз?
4. Балаңыз түнімен интернетте отырып, ұйқысы қанбай қалды. Балаңыз: «Басым ауырып тұр, мектепке бармай – ақ қояйыншы», - деді. Сіздің әрекетіңіз?
5. Балаңыздың жетістігін қалай мақтайсыз?
6. Қателігін түсіндіру үшін әңгімені қалай бастайсыз?

Ата-аналар белсенді қатысып, жағдаяттарды ортаға салып, талданды.

Сонымен қатар, ата-аналарға отбасылық тәрбиенің түрлері туралы кеңестер беріліп, олардың нәтижесі қандай болатыны туралы ақпарат берілді. (слайд)

Сонымен қатар ата-аналарға жаднама таратылды. Жаднама мазмұны төмендегідей:

Жасөспірімдермен қарым-қатынас жасаудың тиімді ережелері

Ереже 1

Егер сіз ескерту жасағыңыз келсе, ең алдымен ол балаңыздың жақсы жақтарын шынайы мадақтаудан бастаңыз, содан соң сын  айтыңыз .

Ереже 2

Өзіңізге өшпенділік тудырмай қалай сынға алуға болады, яғни қателігін тікелей емес жанама түрде көрсетіңіз

Ереже 3

Балаңыздың қателігін бірден басып айтпастан, өз қателіктеріңізді еске түсіріп, айтыңыз

Ереже 4

Бұйырып айтқанды ешкім ұнатпайды. Сондықтан тікелей бұйрық беруден гөрі, сұрақ қойып, кеңес беру арқылы орындатқаныңыз жөн.

Ереже 5

Балаңыз  өз беделін сақтап қалуға мүмкіндік беріңіз

Ереже 6

Үлкен жетістіктерді көздеуге шабыт берудің бірі – балаңыздың кішкентай жетістіктеріне дейін бағалап, шынайы мадақтаңыз.

Ереже 7

Адамдарға жақсы репутация жасаңыз, әр адам оны ақтауға тырысады, талпынады.

Ереже 8

Мадақтай отырып, сіздің байқаған қателіктеріңізді оңай түзете алуға болады деген әсерді қалыптастырыңыз. Сіздің қойған талаптарыңызды орындау қиын болып көрінбейтіндей болу керек.

 «Балалар өмір сүруді өмірден үйренеді»
Егер:

•  баланы үнемі сынай берсе, ол жек көруді үйренеді;
• баланы мұқата берсе, ол тұйық болуды үйренеді;
• баланы мақтаса, ол игілікті болып үйренеді;
• баланы қолдаса, ол өзін бағалауды үйренеді;
• баланы жазғыра берсе, ол кінәлі болып өмір сүруге үйренеді;
• бала шыдамдылықта өссе, басқаларды түсінуге тырысып үйренеді;
• бала адалдықта өссе, әділетті болуға үйренеді;
• бала қауыпсіздікте өссе, адамдарға сенуді үйренеді;
• бала қастастықта өссе, басқыншыл болып үйренеді;
• бала түсіністік пен жылы шырайлы ахуалда өссе, ол осы өмірде махаббатты табуға үйренеді.

Сондай-ақ отбасылық тәрбиенің мәні туралы видео-роликтер көрсетіліп, талқыланды. Нәтижесінде жеке кеңестерге келуге ұсыныстар білдірді 

Посмотреть новость на сайте учреждения

Вернуться к списку новостей

Комментарии