№4 мектеп-гимназиясы «Kazakhstan Robotics Challenge 2017» жеңімпазы атанды

2017 жылдың 17-19 ақпан күндері Тәуелсіздік сарайында «Дарын» РҒПО, «Білім-Инновация» Халықаралық қоғамдық қоры және Астана қаласы Білім басқармасының ұйымдастыруымен оқушылар арасында «Kazakhstan Robotics Challenge 2017» атты республикалық сайысы өтті. Бұл сайыс алғашқы рет ұйымдастырылып отыр. Еліміздің барлық аймақтарынан келген командалар 10-15 жас және 16-25 жас категориялары бойынша сайысқа түсті. Сайысқа №4 мектеп-гимназиясының оқушылары ағайынды Сейдазимов Асан мен Үсен қатысып, көрсеткен ерекше өнертапқыштығы мен конструкторлық идеясы үшін жүлделі 3 орын қола медельмен, ал жетекшісі Омаров Мақсат Манарбекұлы Астана қаласы Білім басқармасының бастығының Алғыс хатымен марапатталды.