«Физкульт-Ура» әлеуметтік жобасы аясында Олимпиада чемпиондарының қатысуымен өткізілген дене тәрбиесі сабағы

2017 жылдың 27 желтоқсанында мектепте «Физкульт-Ура» әлеуметтік жобасы аясында Олимпиада чемпиондарының қатысуымен дене тәрбиесі сабағы өткізілді. Сабаққа 4 «Б» сынып оқушылары қатысты, тәлімгерлері греко-рим күресінен Олимпиада ойындарының чемпионы Юрии Мельниченко, бокстан Олимпиада ойындарының чемпионы Ермахан Ибраимов, баскетболдан Олимпиада ойындарының чемпионы Валерий Тихоненко болды. Еңбегі сіңген спорт шеберлері балалармен сөйлесіп қана қоймай, Wold Class фитнес орталығымен ынтымақтастықта бірігіп сабақ әзірледі. Сабақтың мақсаты – балаларды дене шынықтыру сабағы мен спортқа жүйелі түрде баулу, денсаулықтарын күшейту. Сабақ соңында Олимпиада чемпиондары балаларға қолтаңбалары қойылған күнтізбе қағазын ұсынып, фотосессия өткізді.