«Қарттары бар үйдің, қазынасы бар» атты мерекелік кеш
Мектебімізде қарттар күніне арналған «Қарттары бар үйдің, қазынасы бар» атты мерекелік концерт ұйымдастырылды. Аталмыш мерекеге Көктал кентінің ақсақалдары мен ақ жаулықты әжелері қатысты. Мектеп директоры Жакенбай Шәріпхан Қажытайұлы жиналған қауымды мейрамдарымен құттықтады. Көктал кентінің ардагерлер кеңесінің мүшесі Жеңіс ата құттықтау сөз сөйлеп, мектеп ұжымына алғыс айтты. Кеште оқушылар тамылжыта ән салып, мәнерлеп өлең оқып, көрініс қойды. Қарттар үйі туралы көрініс көрермендерге жақсы әсер етіп, ата-әжелердің көзіне жас келді. Егде адамдардың қуанышты жүздері мерекенің көңілдерінен шыққанын байқатты.
Директордың тәрбие ісі жөніндегі орынбасары: Шабкенова С.Ж.
