Білім күні – студенттер, ата-аналар мен оқытушылардың барлығы үшін салтанатты мереке. Мектептердің, колледждердің және институттардың есігі айқара ашылды.

Білім – елдің игілігі құрылатын сенімді негіз. Сондықтан, өскелең ұрпақтың терең білім алуы, өз дарындарын жүзеге асыра алуы, спортпен айналысып, біздің астанамыз бен сүйікті Отанымыздың нағыз патриоты болуы үшін барлық жағдайды жасап жатырмыз.

Биылғы жылы біздің колледж бірінші курсқа «Туризм», «Тамақтандыруды ұйымдастыру», «Автокөлікке техникалық қызмет көрсету, жөндеу және пайдалану» мамандықтары бойынша екі жүз студент қабылдады.

Колледж директоры С.Б. Ташенов студенттерге, қызметкерлер мен қонақтарға құттықтау сөзін жолдады.

Студент атағына  ие болған  осы жастарды  біз шын  жүректен  құттықтаймыз! Жаңа өмірге  басқан  қадамдарыңыз құтты болсын! Болашақта  еліміздің  әр саладағы даму деңгейі сіздердің  көмектеріңізбен  дамыған елдердің көрсеткіштеріне  сәйкес болып, оның бәсекеге қабілеттілігі  артады деген сенімдеміз.

Чтобы оставлять комментарии авторизуйтесь