Тәуелсіздік қарсаңында
«Желтоқсан желі ызғарлы» атты салтанатты сап түзеу өткізілді. Патриоттық акцияның ашылуына 1-4 сыныптар қатыстырылды. Директордың бастауыш сыныптар бойынша орынбасары Айтишева Баянгүл Кадыровна оқушыларды, ұстаздарды
«Тәуелсіздік күнімен» құттықтап, салтанатты жиынды ашып берді.
3-сынып оқушылары Қайрат, Ляззат, Сабира, Ербол сынды аға – апалардың ерлігіне арналған өлең – тақпақтарын оқыды. Оқушылардың патриоттық сезімдерін оятуға арналған бейнероликтер көрсетілді және
«Қайраттың ақтық сөзі» атты шағын көрініс қойылды.
«Мен қазақтың баласымын», «Жайна Астана» патриоттық әндерін нақышына келтіріп орындаған оқушылар көпшілікке мерекелік көңіл сыйлады.
