Ел болашағы жасөспірім балалар мен жастардың қолында. Елбасымыз жастардың сан қырлы, білім мен өнер биігін бағындыруда, өз мүдде мақсаттарын, Қазақстанның абыройын асқақтатумен ұштастыруына қол жеткізу керектігін айтқан болатын. Осыған орай мектебімізде «Жас Ұлан» және «Жас қыран» балалар мен жасөспірімдер ұйымына қабылдау рәсімі өтті. Аталған ұйымға мектебіміздің дарынды және өнерлі оқушыларымыз қабылданды. Атап айтсақ, «Жас қыран» балалар мен жасөспірімдер ұйымына 82 оқушы, ал «Жас Ұлан»балалар мен жасөспірімдер ұйымына  50 оқушы қабылданды. Бұл мерекелік іс-шарамызда оқушыларымыз ант қабылдап мойынтақ пен төс белгі тақты. «Жас Ұлан» және «Жас қыран» балалар мен жасөспірімдер ұйымына қабылданған оқушыларымыз алдағы уақытта Отанға адал болуға, ата-ананы қадірлеуге, үлкенге құрмет, кішіге ізет білдіруге, білімге табандылықпен ұмтылуына сеніміміз мол. «Жас Ұлан» және «Жас қыран» ұйымдарының жұмысы мен іс бағдарымен танысқан кез келген тұлға өзіңді қамқорлықта сезінеді. Себебі бұл ұйымдар Отан, намыс, бірлік негізінде әр алуан бағыттар бойынша жұмыс жасайтын, бала патриоттарды тәрбиелейтін ұйымдар.

Чтобы оставлять комментарии авторизуйтесь