«Қарты бардың - қазынасы бар!» атты кездесу кеші өткізілді.
Оқушыларды адамгаршілікке, қайырымдылыққа, жақсы үлгі-өнегеге, үлкенді сыйлау, кішіге қамқор, болу қасиеттеріне, мейірімділікке, қарияларды құрметтеуге тәрбиелеу мақсатында өткізілген іс-шара көпшілік көңілінен шықты. Жүз жылдан аса тарихы бар мектептің іргетасы қаланғаннан бастап бүгінгі күнге дейін еңбек еткен ұстаздар – біздің мақтанышымыз!
Бізде «қарттар күнін» мерекелеу аясында ардагерлерге сый-құрмет көрсету игі дәстүрге айналған. Қарттар күніне арналған мерекелік «Қамқорлық» қайырымдылық акциясы шеңберінде білім ошағында еңбек ардагерлері мен зейнеткер ұстаздарды құтықтап, 7-10 сыныптардың оқушылары мен сынып жетекшілері сыйлық жасап, мерекелік ән-шашу ұйымдастырды. Әрбір сыныптарда тәрбиелік мәні зор сынып сағаттары өткізілді.
Астана қаласы әкімдігінің мемлекеттік филормониясының ұйымдастыруымен қазақ халық аспаптары оркестірі де мектепте қонақта болып, ән мен күйден шашу шашты. Кәсіподақ комитетінің ұйымдастыруымен қонақтарға дастархан жасалып, «Жас Отан» жастар қауымының құттықтауына ұласты.
Ұйымдастырушы: Кәсіподақ ұйымының төрайымы Балжан Сағындыққызы
Посмотреть новость на сайте учреждения
Вернуться к списку новостей
Комментарии
