"Француз тілі - ғажап тіл" атты мәнерлеп оқу сайысы
Мерекелік іс-шарада 9"г" сынып оқушылары Тілекқызы Ұлпан мен Алмасбекова Эльвира Жұбан Молдағалиевтің "Мен қазақпын" өлеңін француз тілінде мәнерлеп оқыды. 6"ә" сыныбының оқушысы Қойшубаев Амир Виктор Гюгоның "Париж" өлеңін француз тілінде нақышына келтіріп орындады. 7"г" сынып оқушылары Асқар Мақсат, Ертаев Ильяс бейбітшілік туралы өлеңдерін оқыса, Абуалиева Зияда Абайдың "Желсіз түнде жарық ай" өлеңін француз және қазақ тілдерінде шырқады. 9"г" оқушысы Базарбаева Армангул Қадыр Мырзалиевтің "Қайыртпақ" әзіл өлеңін актерлік шеберлікпен орындады. Іс-шара соңында 9"г" сынып оқушылары "Менің Отаным" (Ma Pathia) өлеңін хормен шырқады. Әдіс бірлестігінің жетекшісі Айдарбек Салтанат Шайзолдаевна аталған іс-шараға қатысты. Француз тілінің мүғалімі Кубенова Айкеш Мырзахановна қатысқан оқушыларға және ұйымдастырушы француз тілінің мұғалімі Рымкулова Назимаға алғыс білдіріп, сәттілік тіледі.
