Мектебімізде «Бастауышым-балбұлағым» атты 4 сынып оқушыларының бастауышпен қоштасу кеші өтті. Кешке оқушылардың ата-аналары мен ұстаздары қатысты. Оқушылар ән айтып, домбыра тартып, ұлдар арасында «Көңілді тапқырлар клубын» өткізіп, қыздар билерімен баршаны таңқалдырды. Соңында 5-сыныпқа өту үшін ант беру рәсімін өткізді. Мектеп басшысы оқушыларға өз лебізін айтып, ақ жол тіледі. Бастауышпен қоштасу кеші қызықты да, көңілді өтті.
