Бүгін 13 мамыр 2014 жыл №68 орта мектепте IV Республикалық Абай-Шәкәрім оқуларының қалалық кезеңі өткізілді.Жыр додасына аудандық кезеңде жүлделі орын алған қала мектептерінің оқушылары қатысты. Сайысқа төрелік еткен Алмахан Мухамедқалиқызы Қазақстан-Ресей университетінің Абайтану ғылыми-танымдық орталығының директоры, ақын. Белгілі композитор, ақын Тлепбердиев Ерқожа Әлқожаұлы, филология ғылымдарының докторы Еуразия Ұлттық университетінің профессоры ақын Жанат Әскербекқызы және Астана қаласы Білім басқармасы әдіскері Күнімбала Ізтілеуқызы. Сайысқа барлығы 21 оқушы қатысып, нәтижесінде "Өлең сөздің патшасы-сөз сарасы" бөлімі бойынша №54 мектеп-лицейінің оқушысы Бердембекқызы Ақерке "Жүйіріктен жүйірік озар жарысқанда" атты жас ақындар сайысында №38 мектеп-лицейінің дарынды жас ақыны Ибрахим Абылайхан, "Көңілім әнді ұғады" бөлімі бойынша №4 мектеп гимназиясының оқушысы Бакарамов Жанболаттар Бас жүлдені ие болды. Бұл оқушылар IV Республикалық Абай-Шәкірім оқуларында Астана намысын қорғайтын болады.
